Nova Istra

32 SUVREMENA KNJIŽEVNOST Božica BRKAN tak i knige trpiju gda se ja zajne fest držim i vlečem je za vuhca i ne znajuč kej to sega v životu još ima pred denu 201119497 – 20180428 – 20180429 – 20180501 – 20180819 _______________ manje poznate riječi: frkati – uvijati gaga – Zvonimir Gavranović Gaga (1937. – 1998.), zagrebački karikaturist i ilustrator autoričine novinske kolumne Enciklopedija špeceraja ; autor šansone Moj maček ima rascu- fana vuha , koju je uglazbio Zvonko Špišić vuhca , dem. od vuha , vuho – malene uši (iz ciklusa Baobab) suhozid ne meni te suhozid stena z kamena opče grd mam je more z druge strane nega ni zelenoga ne fali tu lepo diši smola z bora i ružmarin (kej prinas gda je svadba) a i prek kamejna plazi bršlan na se strane kej da ne pak suša i se se suši i se se ziba ziba kej da na nekakvomu čunu ležimo si zajeno pokriti samo z nebom kej ze staru rasporenu krpu suhozid brez cementa brez šib brez čavel brez ičega kej bi ga na vrpe držalo