Nova Istra

30 SUVREMENA KNJIŽEVNOST Božica BRKAN lepe mlade joči imaš lepe mlade joči bi mi rekel joča saki put gda bi mi pružil jiglicu naj bi mu konec napelala gda je imel nekej za zašiti (a vušicu je ne bi nikak mogla najti jedva) jel da mu kakvu grdu šprajnu z negvoga gatera od pile jel klade zvadim z prsta jel z čela kak mu se gda kam zapiknula takov je to posel bil (a gumbe bi si na plavomu radničkomu odelu zašil z tenkem drotom ne ga ni trebalo navadžati da mu je ni klade ne bi mogle otrči) a kak se ne bum gda ne vidim setila da kak ne bi vidla gda imam lepe mlade joči kak mi je tatič govodil če sem več i onda (celi je život još bil pred denu) imela dioptriju triput vekšu neg on (i zgledelo je da i on i ja govorimo kantidrago da se samo tak šalimo mej sobu) imaš lepe mlade joči si velim gda mi se pričini da ne vidim ono kej bi baš imela za videti imaš lepe mlade joči si govorim (gda nemrem videti to kej bi štela) i gleč gleč samo gledi negda buš i vidla i sprevidla (če samo opsebe bu ti se najemput vkazalo) imaš lepe mlade joči mi je jotec govoril gda mi je štel povedati kak ja štela ne štela moram videti