Nova Istra

23 Božica BRKAN SUVREMENA KNJIŽEVNOST baltica i sol tekar mi se veto potle tulke let presvetilo kak su moji graničari navek za vrate balticu držali kej nemre biti zviš i v nove iži moji su imeli isto tak balticu za vrate za preseči cepanicu za v peč za preseči komad mesa za v rolu nemre biti zviš a i nigdar nemreš znati ko ti more stati na vrata tak je moja mater i balticu doselila k nam i podbrusiti ju je dala za vrate je ne od srama ludi valda je negde v špajze zadeta na najvišeše stalaže da ju nemre saki doseči da ju baš poiščem ne bi ju dugo iskala grdo mi je od toga kej sem se baltice i setila a gda su se ludi zdalkoga počeli vuznaz prevažati nit znaš otkud nit znaš kam ni ko ni zakej nekak sem se setila baltice a moraš vrata imeti da bi balticu držala zajnimi setila sem se i kak je još od rata isto tak nemre biti zviš negde v garaže sol (negda su ju gostom ponudili vuz kruv i mam si znal jesi došel dobro jel nesi) sitna ne bi znala povedati jel tuzlanska jel morska