Nova Istra

21 Božica BRKAN SUVREMENA KNJIŽEVNOST spasiti sekak da je ne zatereju tam de očeju i lude zatreti i se v prašinu sporušati da ne ostane niš da se počina od ne i svedoke sega toga najbole je pofundati lampe jim zapreti nemaju oni ni kej videti ni kej čuti ni zapametiti jel su se gda su je več tak dalko donesli splašili da buju je zato tu po civilizirane europe kej tate zaprli jel su se zmislili da kipce tak i tak neju imeli komu vtržiti kej vužne ideju jedino pretršci z ludmi i isto su tak sirotijna bokci kak su si i sami a morti su v culce zeli svoje hižne kipce spod poceka da kipci ne ostaneju tam sami da neju v dalekomu v našemu svetu brez svoje kipcov kej jedino to imaju i život da se mej sobu paziju kej i se veke dosad a kej bi onda kipce kej su dotud donesli samo tak ostavili kej bi jeni druge potle tulkoga puta samo tak othitili morti su ti stari bogi i vera othičeni kej su bokci ludi zgubili se kej su veruvali kej ni tulka muka ne bila dost da zajeno dojdeju do tam kam očeju dojti de su mislili da jim je obečano i od bogov niove i od ludi a mi kej mi brojimo kuliko je lude tud prešlo saki broji prek svoje zemle i kulko bi još štelo prejti kulko je čija kvota