Nova Istra

164 PRILOG O ZAVIČAJU Marijan JELENIĆ sedanmiljari i četrnajs soldati. A koliko hi je zustalo mrtveh va Prve ojske. Neki guore pedesiet milijuoni! Mrtin Ćaveluon je riva doma prez zuobi. A kat je priša doma je imie ča videt. Ženo i dico ni pozna. So bili sprepodobljeni aš so bili poslani ća z Odnjana valje va Wagno va Austrije. I ne samo uni, nego si narot od Raklja, Barbana, do Savičienti i Rovinja se do Odnjana i Pula aš se je strahovalo da će glavni fruont Prve ojski bit va Istrije, koli Pula kade je bilo čuda rifuđ i baštimienti. Je priša uordin na petnajs maja miljar i devetstuo i petnajstega leta da si muorajo prit na stacijuoni od maki- ni. A pones moro samo koliko moro zamotat va lancun ali punjavo, se so muorali puštit: kući, mobijo, blago. Si so plakali i narekuvali. I dica so plakali magari unako mići niso znali zač si plačo. Speljevali so hi va vaguonah od blaga. Si so bili napešta- ni kako kumpiri jedan na drugen. A kat so prišli na mesto so hi čekale baraki od drieva. Spali so na pode na slame. Napatili so se glada zimi, jeli so hi buhi i šenci. Samo so neki imeli srećo da so hi zieli bogati kampanjuoli da in pomoro delat kampanjo. A gospodari ki so bili pres duši so hi držali kako robi, za cigani. So hi skorišćevali kako blago: samo kade tr kade se je naša poštien gospodar pak hi je zie z milosrdja i drža kako sojo famejo. Va Odnjane je bila vela glat i velo siromaštvo. Tri leta ni ki imie delat kampanjo. Se je bilo va barede. Blago je hodilo semo tamo po kampanjah dokle ga soldati niso poubijali i pojeli. Kući so bile se pokrajene. Kadegot je ča valjalo so soldati ziemali i uni ki so hi prihijali videt. Plovan va Odnjane je napisa, veruvali ali ne, da niso mogli nać nanka vina za mašit. Mrtin se je hiti na delo. Je dela dan i nuoć kako črf. Prez zuobi se je navadi jes. Laloki su utrdle. Ali je bi dežgracijan. Ot šies dici ča mu se je rodilo, četiri so umrli mali od mižieriji i glada. I još je potle ojski živie dvajset liet. Dušo je Bogu da leta miljadevestuo kvarnar i uosmega. I dobro da je bi star kat je prišla Druga ojska. Je imie šezdesiet i piet liet. Da ne bi ga bila rićamala i Druga ojska ka je bila još huja nego una Prva. Mrtin i Maria so bili pobožni ljudi. Tako so i dico gojili. Njegov sin Ernešto i hći Maria so potle Druge ojski s tolikemi drugemi šli ća z Odnjana. I so se raštrkali po sviete. Maria je va Talije delala va banke. I je bila, se more reć, gospa. A Ernešto je litrateva i je bi po ciele Europe, va Afrike, va Maroke, kade ča se ne? Oba so dobro živeli i dočkali velo staros. Kat je ša va pižijuon, Ernešto si ni moga umirit srce. Je z Maroka priša va Od- njano. A tu in je se država ziela. A stešo je ša plačuć po kampanje va barede kade je njegov otac dušo pušti da ga zgoji. Je kupi tratuor, je ša vadit trnje, podzijevat zidi. Je nasadi mlade uliki. Je imie dobro srce. Je dela i neken starcen i buolnen ljuden va Odnjane ki niso mogli sami delat. Je proštie sam već libri nego si muški z Odnjana