Nova Istra

163 Marijan JELENIĆ PRILOG O ZAVIČAJU jo je mlaja sestra Roža pres straha kako da ni nič opasno. Kat je već umirala, so jo prišli videt si susedi, sa okolica, kako je uniput bila užanca. Una je bila predobra. Svetica i preliepa, kako je čuda puti poviedala moja mat Roža. Kakof hip prvo smrti, je na znuožlje sta stari Brkić. Marija je komoć dihala. Je bila sa mokra ot pota i mu je rekla tiho, ali so stešo si čuli: „Vas prosin, barba Zvane, hote ća s kućeti, aš unde stoji moj otac va soldačke robe.“ Una ga va soldačken ni nikat videla. Ali prvo nego je dušo puštila je videla sojega oca. Duši imajo suoj način kako se med sobon kape. Škuola je bila va Žminje. Mat je Rožo puštila va škuolo samo tri dani. Je rabila poli kući, pak je mat rekla: „Škuola je za muški ki to poć va ojsko, pak te foši pisat doma. A ti ćeš mane pomoć. Za žiensko je dosta da zna pres, ples i držat kućo i dico va riede.“ Juože je stori četiri klaši. I se je mlat uženi. Potle uženji ni bi drugo unako pravi za mater i za famejo kako prvo dokle je bi mladić. Ni za sestro Rožo ni bi ot kuši- enci, kako da mu je zapačevala. Kako da želi da poje s kući ča prvo van. Jo je udrila krava i je ruvinala jeno oko. Una je bila težakinja još žešća nego nji- ejna mat. Roža je hodila po žunadah ot dvanajs liet. Najveć je delala poli Tomišić i poli Frlini aš so bili bogati. Bila kapaca kopat, grabit, fragat, fraškat, žet, zdievat, plievet, nagraćat. Si so jo iskali. A una se ni šparala. Kat so kopali i želi, vajk je bila par kuorki pret drugemi. Još je i na lievo i na diesno pomogla unien spoli janjo. Težaki so, da ne gubo vrieme, jeli na kampanje, va hlade pot dubon, ali zat ko- ruona. A se je trefilo da so jeli i na sunce, nasriet njivi. Jeli z jene terini, kruha si odlomili po krijance, a pili z barili temperanje, bevando z ostuon, ali vinuon. Roža se je vajk domišljala besiet miediga z Žminja kat je tiendila sestro: „Bogočuoj jes senega pijata, ali padeli, pit senega mižuola, brisat se va seeni šugaman, aš bolest je najiemna.“ Rože se je štomigalo jes sene terini i pit z barili. Čuda puti je ziela samo jeno žlico i delala cieli dan va kuse kruha. Najveć se je štomigalo kat so se kakovemu muškiemu z muštafi ciedile kapi vina i bevandi. Po cieli dani ni kapi pila. A ni va Galicije bi ubit samo nuono. Dežgraciji je bilo sagdere. Poli Odnjano je jeno selo ko se zove Paradiž. Ot tamo je bi jedan čovik va Prve ojske i je z Rusiji priša doma na nogi. Je hodi šies meseci. A z Odnjana je bi i neki Mrtin, so ga preku imena zvali Ćaveluon, zasiguro aš je neki njeguof prenuno dela ključi. A žena mu je bila Maria. I uon je sirota bi va Prve ojske. Je imie šies dici. Je jako pati za doma, za ženuon, za lačnom dicon i za kampanjon. Na si načini je proveva se zvadit z ojski. S tabakon si je digiva fiebro ku bi ga miedih uslobodi vojski. Kat to ni šlo za rukuon, si je nekon travuon tošigeva oči. I na vižitah ni nič vide. Pak najzat si je vibi si zuobi. A stešo ga miedih ni pušti doma. Uon je imie srećo, ni pa va ojske. Samo poli rieko Sočo va Kranjske je bilo ubito