Nova Istra

162 PRILOG O ZAVIČAJU Marijan JELENIĆ stešo so po materinen lice videli da nešto ni dobro. Nuona je bila trda, pret dicom ni plakala. Je plakala kat jo niso videli. Još kat se je z muožen bušnula va Pule, so jo zdrhi pasali, aš se je z ojski malo ki torna žif. Pepo fant je ša z bičikletom proti Tomišićon. Na Stancije je vide Lucetinega devera kako ore. I mu je ša reć da je brat zusta mrt. Je sie na vrganj i ni drugo moga storit ni jeno bras. Je komoć vrganj stai na kareto i ša doma. Blago je zapra. Po noće, kat so dica zaspali, so uon i žena šli h Lucete. So jo našli dreveno na ugnjišće. So jo bušnuli, stisli na prsa. Dever je reka: „Ti si žena ot mojega brata, sada udovica. Ne muoj imet straha! Dokle buodemo živi mi, ćeš bit i ti.“ Neko vrieme so si mučali. I dever je, ki zna ko dobo noći reka:„Ku te je strah, ti hoj spat poli dico, ja ću spat na kasele.“ Luce je odguorila: „Ni me bilo strah živega ni sada mrtvega.“ Jutre dan so već si znali. Luceto so kako udovico si rešpetali. Va criekve se je vajk molilo za udovice. Otročići so se pomalo digli i narasli. Juože je od otroka bi jako kapac delat. Njegova kampanja je bila kako libar. Jedanput je bilo nevreme. I dokle so si bili na ugnjišće poli uganj i molili svieto Barbaro, da hi Buoh učuva ot Bujže puški, šajeta je hitila pravo va dimlik. Sa se je mielta z dimlika strunila i pala po njih. Ali Buoh i sveta Barbara so hi učuvali i so ustali živi i čitovati. Zato je najmlaja Roža potle vajk imela stah kat je migalo i grmelo. I si je stiskala uši da ne čuje kat jako grmi. I vajk je molila: „Blažena, svieta Barbara, učuvaj nas ot šajeti i slabega vremena!“ Uno najteže muškuo delo Lucete je stori njiejni dever Miho. Uon ni bi ša va ojsko aš je uniput još bi otrok. Uon je bi kapac svirit na mieh i mešnjice, je zna liepo kantat, je bi plesarin. I čuda puti je zna va soboto i nedeljo večer poć va kumpanijo hMužinon, h Krnevaluon, va Gradišće kade so znali liepo kantat na tanko i debelo. Unde so pliesali i kantali. I se je torna potle polnoći, a neki puti i va jutro. Žena Marija je bila mučna z blagon. So imeli piet dici. Još i dica najstareje hćeri. Muoš je bi i veli klietvar. I jako neruoš. Žena je š njin pojela krvavi riži. Va starošće je ubrati, ni klie. Je hodi sako nedeljo h maše s palicon. I kat je bi udovac, kat je zusta sam, je gospodina plovana kat je priša blagoslivljat kući. Je bi srećan ku se je plovan frma poli njega. A plovan se je frma fatapošti da ga odvadi kliet ku si spasi dušo. Pižijuon je bi mali. Doma so bili siromahi. Najstareja Marija je ot četrnajs liet počela hodit po žunadah. Una se je nagrabila vieja i siena i nakopala i nažela po ljučkieh njivah. Brižno tielo koliko puti je bilo lačno, potno i mokro. I je dobila jetiko. Je počela kašljat, se potit i pljukat krf. Ni bilo druge ku ne poć h miedigu va Žminj. Jo je bilo jako sran. Bi bila raji umrla nego se šla vižitat.Miedih je zajno uga- na. I se je proveva aš je bila divojčina kakove ni bilo. Ma ni bilo pomoći. Leto dan ni bila ni živa ni mrtva. Miedih z Žminja jo je prihija videt s konjien i kareton. Na leso ot kuorti je stai tabelo da niedan ne gre va kućo aš je boles najiemna. Tiendila