91 Milan RAKOVAC, Zagreb ZID U BRAZDI ZAČINJAVSKOJ ‘Z FUNDAMIENTA ili, ma ča to začinja začinjavac Boris Domagoj Biletić? Božica BRKAN i Boris Domagoj BILETIĆ: Breberika & Eklektika; Biblioteka KAJ & ČA: Susreti, knj. 9., Kajkavsko spravišče, Zagreb, 2022., 92 str. / Pogovor zbirci Eklektika (Zajika Janus Jazika) B. D. Biletića. Biletić, detto Bob (ma ne naš bob, nego po ‘merikansku), se fida zatući nuos u nevidno i spridvidno i uzadvidno, rabi kuraja, nu, samo ča se vidi da vuon tamo i vidi, tamo, din, di drugo niš ni viti i tamo di još ne moreš viti. Kako zvore brazdu svitakraju pak zjama kamik i ga ukleše i u tuoj brazdi doprtoj zapre se zidajući prez ni gledati ni se libieći zidić, a zduola su funadamienti, a zguora čvrljuga, ma zguora neba samega kanta mu kanat „proti pozabljienja“... Črni tić (bili tić Biletić, nu), san mu bija napisa u vieršu prigodnici, sakramienski Bob „Boris“ Biletić! U jednoj tek pjesmi (veličanstvenoj, doduše), u rukoveti novijih pjesama na čakavici, osmjelio se preko horizonta poetike i estetike i jezikoslovnosti, spod Babinpasa, spajajući u njoj jezike i kulture i epohe i suoga dida, ma kako da tobože nieće dȁ, sanjivajući sanje (a sanjiva hi i sad nȁ) kako i Martin Luther King, i črni Moro je na bot mrež nas črnih čakavci tuote skupa š njin, ma črnih črnatih, nego: „...črnih da črniji ni črnji ne moru bit. I Črnja mrež njimi: e, to bi bilo jeno čine, velo čine… „Fellini njim samim“. Ma ke film, make this film!“ (izvor: glasistre.hr)
RkJQdWJsaXNoZXIy Mjc2NzM=