Nova Istra

71 Ana GALANT POEZIJA Sve to. NJEMU. Budi siguran da sve to gre va libar! I kako si me gleda i to ča si reka… (Kako si reka, da ni ne guorin.) I kako si sta oholo nagnjen na zid I kako je zrak okoli tebe dušie na Zlobo pomiešano z parfumon. Kako so se ljudi ubraćali za tobon sporadi tega, kad si hodi za ća. Sporadi zlobi, mislin. NJIE. Budi sigura da sve to gre va libar! I to kako so ti vlasi stršeli onako suhi, i kako si bila ubučena. (Za po doma.) I to kako si prišla naprof grda, za tako liepo žiensko, va tako kratko vrieme. I kako smo i jena i druga znale da nas otrok posluša. I kako smo i jena i druga znale da ti je sejno ku te čuje. Vidiš, i okoli tebe je zrak bi težak, ali je već hita na krvavo nego ča je dušie. Ku me kapiš. Ma nu, va libre ću sve to još bolje znat povedat.