Nova Istra

70 POEZIJA Ana GALANT Ku već greš va samoposlugo... Zami mi tri deca moćnega glasa (sejeno ki gušt, more i od bazgi), smo zustali bez. I par kil kuraja, tega mi vajk rabi doma. (Neka je kupuovni, ali kuraj je kuraj!) Ku imajo, zami mi i kakuof metar debele koži; pazi samo da buode freška i koluor da buode na mero. Rabit će mi to šetemano, a ku koluor dištonieva, ću je muorat hitit ća. Nu, vidi ku imajo. I ja, san videla da va zadnje vrieme užajo držat i medežijo za ono Kunderino lakoćo postojanja . Tega moreš ziet čuda, ali samo ku jo prodajo na kusi! Ona z vrećici mi vajk stori slabo. I dimbokega sna jeno škatulo. I bobić onega za luštrat pensieri. I dvanajs veri va ljudi. Ku se još ča domislin, ću te zazvat. Šoldi ću ti dat pokle.