Nova Istra

69 Ana GALANT POEZIJA (n)i dažlji (n)i vetri dobro san. dobro san. dobro san. Guorin. Sakemu ki me pita. Ponavljan. Sakemu kiega trefin. Pitaš me ( kako si? ) i jedino ča ti rivan reć je: dobrosan-dobrosmo-dobroje-dobrogre! Ne ti spominjen ni dažlji ni vetri, Ni slabi žifci, Ni punji ni žgambeti (ke najraj prido skupa), Ni ruoki preskliske od straha, Ni kuorki presramežljivi sporadi keh san na meste već čuda (prečuda) vremena (neki bi moga reć da pliešen!) dobro san. dobro san. dobro san. Guoriš. Sakemu ki te pita. Ponavljaš. Sakemu kiega trefiš. Pitan te ( kako si? ) i jedino ča mi rivaš reć je: dobrosan-dobrosmo-dobroje-dobrogre! I dažlji i vetri si premučimo Kad se trefimo Si mokri i raščufetani.