Nova Istra

67 Elis BAĆAC SUVREMENA KNJIŽEVNOST LESA ZA VA OBLAKE Delaš me munjenon! Mene... kalmanu, ka se dela po reguli, po plani, ka kontroliva se i seh, kako će razum. Srce ne smi glovnu besedu dobit. I se bin seda, tekuć, zajno bin va oblake. Let va jenen dihi i gori bit. Ma san ti lipo to špjegala, san kuntenta sobun. Jaaaaa, jušto to bin ja. Kako san nervožna kad je lesa na putu oblaku! Bože moj, son li to ja?! Čekanje sanji čuda dolora stori. Zoč ne bit ko oni ki se puste za sen da sentimenti ćakuloju? Ne robi bit kako oni ki su čekali, vrime po puti zgubili pak se sporadi let, sporadi preše, brzo pokle odlučili. Zoš bin ovega hipa va oblake? Zoš ta vrajža lesa toliko smeta?