Nova Istra

66 SUVREMENA KNJIŽEVNOST Elis BAĆAC SMO SE ZAPUSTILE Smo se zapustile, smo se pozobile, smo se ztuđile. Na fešti od pršutah si glovu kalala kad si puli mene prešano pasala. Nisan ni soma obraz pokazala. Prez volje san postala, pronta za doma prvo nego san va Tinjon rivala. Znon da si kontrolala s ken san ovamo kapitala, ku san ga za ruku stiskala, ku je gleda vome cito, ku mu je amor va očijah drito, dokle si krotkega koračića ća od mene pasivala. Smo se zapustile, smo se pozobile, smo se ztuđile. Nisi mi već najbolja, nisan ti najbolja za ljude. Bižimo jena od druge ča već moremo za sprovlje. Smo se zapustile, smo se pozobile, smo se ztuđile aš dolor dve najbolje kumpanjice ni danas nisu pozobile. Dolor pokojne amikecije.